SUPORTA SA MAGULANG AT PAMILYA AT SA PABAHAY
Kabilang sa mga serbisyo sa pamilya ang paggabay, mga rekurso, at suporta upang makatawid ang mga magulang sa mga mahihirap na bahagi ng pag-alaga ng mga maliliit na bata. Tutulong ang mga serbisyong ito na magpatibay ng mga pamilya, magbigay suporta, at magtitiyak na maganda ang simula sa buhay ng mga bata.
Mga Programa at Serbisyo
Housing Choice Vouchers (dating tinatawag na Section 8)
Ang mga pamilya sa programang ito ay maaaring pumili ng alinmang bahay na makakasunod sa mga alituntunin. Hindi nila kailangang pumili lamang sa mga tahanang nasa housing project na tinutulungan ng gobyerno.
Public Housing na Pederal
Ang pederal na programa ng public housing ay nagsimula upang bigyan ng pabahay na paupahan ang mga mahihirap na pamilya, matatanda, at mga taong may disability.
State of Hawai`i Housing
Ang State Family public housing ay nakalaan sa mga kalipikadong tao anuman ang edad.
TANF/TAONF
Ang TANF at TAONF ay nagbibigay ng buwanang benepisyong pera sa mga pamilya para sa pagkain, damit, tirahan, at iba pang pangangailangan.
Mga Serbisyo para sa Pamilya
KALUSUGAN AT KALIGTASAN
Ang pagtiyak ng kalusugan at kaligtasan ng mga bata ay napakahalaga para sa kanilang paglaki. Ang Med-QUEST at CHIP ay nakalaan upang tiyakin na ang mga pamilya ay may insurance sa kalusugang kinakailangan nila upang alagaan ang mga mahal sa buhay.
MAAGANG EDUKASYON
Magmula sa libreng Pre-K sa mga eskwelang publiko at charter, hanggang sa mga programang kagaya ng Head Start at tulong sa gastos sa pagpapa-alaga ng bata, may suporta sa bawat baytang magmula pagsilang hanggang sa limang taong gulang.
MGA ESPESYAL NA PANGANGAILANGAN AT MAAGANG INTERVENTION
Ang libreng developmental screening at serbisyo ng early intervention ay tutulong sa pamilya mong magpalaki at magpa-unlad sa mga anak mo.
PAGKAIN AT NUTRISYON
Ang WIC at SNAP, pati na rin ang libre at abut-kayang pagkain sa eskwelahan, ay programang naghahandog sa mga pamilya ng masustansiyang pagkain para sa mga bata mula pagsilang at habang nag-aaral.
SUPORTA SA MAGULANG AT PAMILYA AT SA PABAHAY
Ang mga programa ng pagbisita sa tahanan ng mga mayroong anak na bagong silang, at pagtulong sa pabahay at pera ay kaakibat ng mga pamilya sa pagtarak ng matibay na pundasyon at sa pagharap sa mga gastusing pang-araw-araw.
